គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    ទិវារត់ប្រណាំងពាក់កណ្ដាល​ម៉ារ៉ាតុងអន្តរជាតិអង្គរលើកទី២៥​ គ្រោងរៀបចំនាថ្ងៃ២៤មករា​ខាងមុខនេះ

    ដោយ៖ យូ វីរៈ​​ | ថ្ងៃពុធ ទី៦ ខែមករា ឆ្នាំ២០២១​ |
    ទិវារត់ប្រណាំងពាក់កណ្ដាល​ម៉ារ៉ាតុងអន្តរជាតិអង្គរលើកទី២៥​ គ្រោងរៀបចំនាថ្ងៃ២៤មករា​ខាងមុខនេះ ទិវារត់ប្រណាំងពាក់កណ្ដាល​ម៉ារ៉ាតុងអន្តរជាតិអង្គរលើកទី២៥​ គ្រោងរៀបចំនាថ្ងៃ២៤មករា​ខាងមុខនេះ

    ទិវា​រត់​ប្រណាំង​ពាក់កណ្ដាល​ម៉ា​រ៉ា​តុង​អន្តរជាតិ​អង្គរ​លើក​ទី​២៥ គ្រោង​រៀបចំ​នា​ថ្ងៃ​ទី​២៤ ខែ​មករា ឆ្នាំ​២០២១ ខាងមុខនៅ​តំបន់​អង្គរ ខេត្ត​សៀមរាប បន្ទាប់ពី​ត្រូវ​បាន​ពន្យា​ពេល​ដោយសារ​ព្រឹត្តិការណ៍​សហគមន៍ ២៨​វិច្ឆិកា។ នេះ​បើ​តាម​ការ​បញ្ជាក់​របស់​ឯកឧត្ដម វ៉ា​ត់ ចំរើន អគ្គលេខាធិការ​គណៈកម្មាធិកា​រ​ជាតិ​អូឡាំពិក​កម្ពុជា។

    ​ឯកឧត្ដម វ៉ា​ត់ ចំរើន បាន​មានប្រសាសន៍ថា ការសម្រេច​រៀបចំឡើង​វិញ ​នូវ​ព្រឹត្តិការណ៍​កីឡា​ទេសចរណ៍​ប្រចាំ​ឆ្នាំ​ដ៏​ធំ​នេះ គឺ​ក្រោយ​សម្ដេច​តេ​ជោ ហ៊ុន សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា បាន​ប្រកាស​បិទ​បញ្ចប់​ព្រឹត្តិការណ៍ ២៨​វិច្ឆិកាដោយ​ជោគជ័យ​កាលពី​ថ្មីៗ ស្រប​ពេល​ស្ថានភាព​ជំងឺ​កូ​វីដ​១៩ នៅ​កម្ពុជា​ក៏​ធូរស្រាល​ដែរ​។ ហេតុនេះគណៈកម្មការ​កំពុង​មមាញឹក​ក្នុង​ការ​រៀប​ចំ ដោយ​គោរព​តាម​អនុសាសន៍​ដ៏​ខ្ពង់ខ្ពស់​របស់​សម្ដេច​តេ​ជោ​នាយក​រដ្ឋមន្ដ្រី និង​វិធាន​សុវត្ថិភាព​របស់​ក្រសួងសុខាភិបាល។​

    គួរ​បញ្ជាក់​ថា ​ទិវា​រត់​ប្រណាំង​ពាក់​កណ្ដាល​ម៉ា​រ៉ា​តុង​អន្ដរជាតិ​អង្គរ​លើក​ទី​២៥ នៅ​ខេត្ត​សៀមរាប​គ្រោង​រៀបចំ​នៅ​ថ្ងៃ​ទី​០៦ ខែ​ធ្នូ ឆ្នាំ​២០២០ តែ​ក្រោយ​ផ្ទុះ​នូវ​ព្រឹត្តិការណ៍​សហគមន៍ ២៨​វិច្ឆិកា ស្រប​ពេល​មានការ​ណែនាំ​អំពី​ការ​ផ្អាក​សកម្មភាព​ជួបជុំ​មនុស្ស ដើម្បី​បង្ការ​ជំងឺ​កូ​វីដ​១៩ គណៈកម្មាធិការ​ជាតិ​អូឡាំពិក​កម្ពុជា ក៏​សម្រេចចិត្ត​លើក​ពេល​ព្រឹត្តិការណ៍​កីឡា​ទេស​ចរណ៍​ដ៏​ធំ​នេះ រហូត​មក​ទល់​បច្ចុប្បន្ន៕

     

    អត្ថបទទាក់ទង