គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    ពលករខ្មែរមកពីថៃម្នាក់ទៀតហើយ​ រកឃើញថាមានវិជ្ជមានវីរុសកូវីដ១៩

    ដោយ៖ យូ វីរៈ​​ | ថ្ងៃចន្ទ ទី១ ខែកុម្ភៈ ឆ្នាំ២០២១​ |
    396
    ពលករខ្មែរមកពីថៃម្នាក់ទៀតហើយ​ រកឃើញថាមានវិជ្ជមានវីរុសកូវីដ១៩ ពលករខ្មែរមកពីថៃម្នាក់ទៀតហើយ​ រកឃើញថាមានវិជ្ជមានវីរុសកូវីដ១៩

    ភ្នំពេញ​៖ ក្រសួងសុខាភិបាល​ នៅព្រឹកថ្ងៃទី០១ ខែកុម្ភៈ ឆ្នាំ​២០២១​ បាន​ប្រកាសរកឃើញករណីវិជ្ជមានវីរុសកូវីដ១៩ថ្មី ០១នាក់​ ជាពលករខ្មែរ​ធ្វើដំណើរមកពីប្រទេស​ថៃ​ និង​មិនមាន​ករណីជាសះស្បើយទេ​។

    យោងតាមសេចក្ដីប្រកាសព័ត៌មានរបស់ក្រសួងខាភិបាល ពលករខ្មែរមកពីប្រទេសថៃដែលមានវិជ្ជមានកូវីដ១៩នោះ ជាស្ត្រី​​ អាយុ ២០ឆ្នាំ មានអាសយដ្ឋាន​ស្នាក់នៅភូមិតាមុំ ឃុំមេទឹក ស្រុកបាកាន ខេត្ត​ពោធិ៍សាត់​ បាន​ធ្វើ​ដំណើរ​មក​ដល់​កម្ពុជា​នៅថ្ងៃទី១៥ ខែមករា​ ឆ្នាំ​២០២១​ លទ្ធផលធ្វើតេស្ត​វត្ថុសំណាកលើកទី០៣ របស់ស្ត្រីរូបនេះ គឺវិជ្ជមានវីរុសកូវីដ១៩ ហើយបច្ចុប្បន្នត្រូវ​បាន​ដាក់ឲ្យសម្រាក​ព្យាបាល​នៅមន្ទីរពេទ្យបង្អែក​ខេត្ត​ប៉ៃលិន​។

    កត់សម្គាល់ដែរថា​ ស្ត្រីខាងលើនេះ​ត្រូវ​បាន​ធ្វើតេស្ត​លើកទី៣ ដោយសារ​មិត្ត​ភ័ក្ត្រ​របស់គាត់​ត្រូវ​បាន​រកឃើញ​វិជ្ជមាន​វីរុស​កូវីដ​១៩ នៅតេស្ត​លើកទី២ ដែល​ពួកគាត់​បាន​ធ្វើ​ដំណើរ​មក​ពីប្រទេស​ថៃ​ជាមួយគ្នា​។

    គិតត្រឹមម៉ោង​ ៧ព្រឹក​ថ្ងៃទី​០១​ ខែកុម្ភៈ ឆ្នាំ​២០២១​ កម្ពុជា​មាន​អ្នក​មាន​វីរុសកូវីដ​១៩​ សរុប​ចំនួន​ ៤៦៦នាក់​ ក្នុង​នោះ​អ្នក​ដែលបាន​ព្យាបាលជាសះស្បើយ​មានចំនួន​ ៤៤៣នាក់​ អ្នក​កំពុងសម្រាកព្យាបាល​ចំនួន​ ២៣នាក់​ និង​មិនមាន​ករណីស្លាប់​ទេ​៕

    អត្ថបទទាក់ទង

    ទាញយកកម្មវិធីទូរស័ព្ទសំឡេងសន្តិភាព

    ថ្មីបំផុត

    ល្បិចសាច់កម្មរបស់ទណ្ឌិត_សម_រង្ស៊ី_ដើម្បីធ្វើអាជីវកម្មនយោបាយត្រូវបានមនុស្សជំនិត

    កិច្ចសម្ភាសន៍ជាមួយអតីតប្រមុខអ៊ុនតាក់លោក យ៉ាស៊ុស៊ី អាកាស៊ី ស្តីពីកម្ពុជា និងទំនាក់ទំនងរវាងប្រទេសជប៉ុន

    សារនយោបាយរបស់សម្តេចតេជោ ហ៊ុន សែន អំពីទំនាក់ទំនង​រវាងបក្សភ្លើងទៀន ជាមួយជន​ក្បត់​ជាតិ៣ជំនាន់ សម រង្ស៊ី ! (ថ្ងៃទី២៦ ខែតុលា ឆ្នាំ២០២២)

    អង្គភាពព័ត៌មាន និងប្រតិកម្មរហ័សបញ្ចេញផ្សាយវីដេអូ៖ “តម្លៃដែលជនក្បត់ជាតិតសណ្តាន សម រង្ស៊ី ត្រូវសង ចំពោះជាតិនិងប្រជាជនកម្ពុជា”

    ពេញនិយមបំផុត