អ្នកពាក់ព័ន្ធព្រឹត្តិការណ៍សហគមន៍ ២០កុម្ភៈ ២៨នាក់ទៀតហើយ រកឃើញថាមានវិជ្ជមានវីរុសកូវីដ​១៩

អ្នកពាក់ព័ន្ធព្រឹត្តិការណ៍សហគមន៍ ២០កុម្ភៈ ២៨នាក់ទៀតហើយ រកឃើញថាមានវិជ្ជមានវីរុសកូវីដ​១៩

ភ្នំពេញ៖ ក្រសួងសុខាភិបាល នៃព្រះរាជាណាចក្រកម្ពុជា នៅថ្ងៃទី០៤ ខែមីនា ឆ្នាំ​២០២១​ បាន​ចេញសេចក្ដី​ជូនព័ត៌មានមួយ​ដោយ​បាន​បង្ហាញថា​ ក្រសួង​បានរកឃើញករណីវិជ្ជមានវីរុសកូវីដ​១៩ថ្មី ចំនួន​ ៣១នាក់ ក្នុងនោះអ្នកពាក់ព័ន្ធនឹង​ព្រឹត្តិការណ៍សហគមន៍ ២០កុម្ភៈមានចំនួន ២៨នាក់ និងមាន​អ្នកជាសះស្បើយ​ ០២នាក់។

គិតត្រឹម​ម៉ោង​ ៧និង០០នាទី ព្រឹកថ្ងៃទី០៤ ខែមីនា ឆ្នាំ​២០២១​ កម្ពុជា​មានអ្នកមានវីរុសកូវីដ១៩ សរុបចំនួន​ ៩០៩នាក់ ក្នុងនោះអ្នកដែលបាន​ព្យាបាលជាសះស្បើយមានចំនួន ៤៨៤នាក់ អ្នក​កំពុងសម្រាកព្យាបាលមានចំនួន ៤២៥នាក់ និង​មិនមាន​ករណីស្លាប់ទេ​៕