គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    ក្រសួងសុខាភិបាល អំពាវនាវដល់អ្នកដែលបាន​ទៅហាងម៉ាស្សា Let’s Relax Spa ទាំង៣ទីតាំង ធ្វើ​តេស្ត​រក​មេរោគ​កូវីដ​១៩

    ដោយ៖ យូ វីរៈ​​ | ថ្ងៃអង្គារ ទី៩ ខែមីនា ឆ្នាំ២០២១​ |
    ក្រសួងសុខាភិបាល អំពាវនាវដល់អ្នកដែលបាន​ទៅហាងម៉ាស្សា Let’s Relax Spa ទាំង៣ទីតាំង ធ្វើ​តេស្ត​រក​មេរោគ​កូវីដ​១៩ ក្រសួងសុខាភិបាល អំពាវនាវដល់អ្នកដែលបាន​ទៅហាងម៉ាស្សា Let’s Relax Spa ទាំង៣ទីតាំង ធ្វើ​តេស្ត​រក​មេរោគ​កូវីដ​១៩

    ភ្នំពេញ៖ ក្រសួងសុខាភិបាល​ នៅថ្ងៃទី០៨​ ខែមីនា ឆ្នាំ​២០២១​ បាន​ធ្វើការអំពាវនាវ​ដល់​អ្នក​ដែល​បាន​ទៅទទួលសេវានៅទីតាំងម៉ាស្សា ៣កន្លែង​ មានភាពស្មោះត្រង់មកធ្វើតេស្ត និង​ធ្វើ​ចត្តាឡីស័កចំនួន​ ១៤ថ្ងៃ ដើម្បីចូលរួម​ចំណែកក្នុងការកាត់ផ្ដាច់បាន​នូវការចម្លងវីរុសកូវីដ១៩ នៅក្នុងសហគមន៍យើងបានទាន់ពេលវេលា។ នៅបើយោងតាមសេចក្ដីប្រកាសព័ត៌មានរបស់​ក្រសួងសុខាភិបាល​។

    សេចក្ដីប្រកាសព័ត៌មាន​បាន​ឲ្យដឹងថា ហាងម៉ាស្សាឈ្មោះ ឡេស៍រីឡេកស្ប៉ា(Let’s Relax Spa) ដែលមាន​អាសយដ្ឋាន​នៅ​ផ្ទះលេខ​២១​ ផ្លូវម៉ៅសេទុង សង្កាត់​បឹងកេងកង១ រាជធានីភ្នំពេញ​ មានអ្នក​ជំងឺកូវីដ១៩​ ម្នាក់ជាស្ត្រីជនជាតិចិន (មិនចាំថ្ងៃ) បាន​ទៅប្រើប្រាស់​សេវានៅទីនោះ។ ក្រោយការយកវត្ថុសំណាកពីបុគ្គលិកហាងម៉ាស្សាឈ្មោះ ឡេស៍រីឡេកស្ប៉ា(Let’s Relax Spa) ទាំង ៣ទីតាំង លើកទី១ និងទី២រួច លទ្ធផល​វិភាគមន្ទីរពិសោធន៍បានបង្ហាញថា មានករណីវិជ្ជមានវីរុសកូវីដ១៩ លើបុគ្គលិហាងម៉ាស្សានេះ ចំនួន​ ០៣នាក់​។

    ដូច្នេះហើយដើម្បីទប់ស្កាត់បាននូវការចម្លងបន្តពីបុគ្គលម្នាក់ទៅបុគ្គលម្នាក់ និងអាច​មានការចម្លងទ្រង់ទ្រាយចង្កោមធំៗ នៅក្នុងសហគមន៍ ក្រសួងសុខាភិបាល បាន​អំពាវនាវដល់បងប្អូន​ប្រជាពលរដ្ឋ និងអតិថិជនទាំងអស់​ ដែលបាន​អញ្ជើញ​ទៅប្រើប្រាស់​សេវាម៉ាស្សាចាប់ពិថ្ងៃទី​២៤ ខែកុម្ភៈ ដល់ ថ្ងៃទី០៥ ខែមីនា ឆ្នាំ២០២១​ នៅហាងម៉ាស្សាទាំង៣ទីតាំង រួសរាន់ទៅធ្វើតេស្ត​យកវត្ថុសំណាកធ្វើវិភាគនៅថ្ងៃទី ៩ ដល់​ទី១១​ ខែមីនា ឆ្នាំ​២០២១(រាល់ម៉ោងធ្វើការ) និង​ត្រូវ​ធ្វើចត្តាឡីស័កចំនួន ១៤ថ្ងៃ នៅតាមផ្ទះសម្បែងរបស់ខ្លួន​ឲ្យបាន​ត្រឹមត្រូវ។  ហាងម៉ាស្សាទាំង ៣ទីតាំង​មាន៖

    ១-ឡេស៍រីឡេកស្ប៉ា(Let’s Relax Spa) ដែលមាន​អាសយដ្ឋាន​នៅ​ផ្ទះលេខ​២១​ ផ្លូវម៉ៅសេទុង សង្កាត់​បឹងកេងកង១ ខណ្ឌបឹងកេងកង រាជធានីភ្នំពេញ

    ២- ឡេស៍រីឡេកស្ប៉ា(Let’s Relax Spa) ដែលមាន​អាសយដ្ឋាន​នៅ​ផ្ទះលេខ​២៤​ សង្កាត់​ទន្លេបាសាក់ ខណ្ឌចំការមន រាជធានីភ្នំពេញ

    ៣- ឡេស៍រីឡេកស្ប៉ា(Let’s Relax Spa) ដែលមាន​អាសយដ្ឋាន​នៅ​ផ្ទះលេខ​១៩៩​ ផ្លូវព្រះនរោត្ដម សង្កាត់​បឹងកេងកង១ ខណ្ឌបឹងកេងកង រាជធានីភ្នំពេញ៕

    អត្ថបទទាក់ទង