គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ​ សម្រេច​បញ្ចេញវ៉ាក់សាំង AstraZeneca ១ម៉ឺនដូសបន្ថែម​ទៀត​ចាក់ជូន​ពលរដ្ឋ​នៅភ្នំពេញ​មានអាយុចាប់ពី៦០ឆ្នាំឡើង

    ដោយ៖ យូ វីរៈ​​ | ថ្ងៃសៅរ៍ ទី២៧ ខែមីនា ឆ្នាំ២០២១​ |
    សម្ដេចតេជោ​ សម្រេច​បញ្ចេញវ៉ាក់សាំង AstraZeneca ១ម៉ឺនដូសបន្ថែម​ទៀត​ចាក់ជូន​ពលរដ្ឋ​នៅភ្នំពេញ​មានអាយុចាប់ពី៦០ឆ្នាំឡើង សម្ដេចតេជោ​ សម្រេច​បញ្ចេញវ៉ាក់សាំង AstraZeneca ១ម៉ឺនដូសបន្ថែម​ទៀត​ចាក់ជូន​ពលរដ្ឋ​នៅភ្នំពេញ​មានអាយុចាប់ពី៦០ឆ្នាំឡើង

    ភ្នំពេញ​៖ សម្តេចតេជោ ហ៊ុន សែន នាយករដ្ឋមន្ត្រី នៃ​កម្ពុជា បានអនុញ្ញាត​ឱ្យ​គណៈកម្មការ​ចំពោះ​កិច្ចចាក់វ៉ាក់សាំងកូវីដ១៩ បញ្ចេញវ៉ាក់សាំងអាស្ត្រាហ្សេនីកា (AstraZeneca) ចំនួន ១ម៉ឺនដូសបន្ថែមទៀត ចាក់ជូនប្រជាពលរដ្ឋក្នុងរាជធានីភ្នំពេញ ដែលមានអាយុចាប់ពី ៦០ឆ្នាំឡើង។ នេះបើយោងតាម​សេចក្ដីជូនដំណឹង​របស់​គណៈកម្មការចំពោះកិច្ច​ចេញ​ផ្សាយ​នៅ​ថ្ងៃទី២៧ ខែមីនា ឆ្នាំ២០២១នេះ ។

    គណៈកម្មការចំពោះកិច្ចចាក់វ៉ាក់សាំងកូវីដ១៩ បានចាប់ផ្តើមបើក​យុទ្ធនាការ​ចាក់​វ៉ាក់​សាំង​អាស្ត្រាហ្សេនីកា ជូនប្រជាពលរដ្ឋក្នុងរាជធានីភ្នំពេញ អាយុចាប់ពី ៦០ឆ្នាំឡើង កាលពីថ្ងៃទី២៣ ខែមីនា ឆ្នាំ២០២១កន្លងទៅនេះ។ យុទ្ធនាការនេះមានរយៈពេល ១៥ថ្ងៃ។ ការចាក់ត្រូវបានធ្វើ​ឡើងនៅ​តាម​មណ្ឌលសុខភាព និងមន្ទីរពេទ្យបង្អែកស្ថិតក្នុងខណ្ឌទាំង១៤។

    យុទ្ធនាការនេះ មានផែនការចាក់ជូនប្រជាពលរដ្ឋប្រមាណ ៥៥,៧០០នាក់។ ការ​សម្រេច​របស់​សម្តេចតេជោ ក្នុងការបញ្ចេញវ៉ាក់សាំង ១ម៉ឺនដូសបន្ថែម សម្រាប់​ចាក់​ជូន​ប្រជា​ពលរដ្ឋ​បាន​ប្រមាណ ៥ពាន់នាក់បន្ថែមទៀ​ត​ ដូច្នេះនឹង​ធ្វើ​ឱ្យជន​ដែល​ត្រូវ​ចាក់​កើន​ដល់ ៦០,៧០០នាក់៕ ប្រភព៖ FreshNews

     

    បញ្ចេញមតិ
    ពាក្យគន្លឹះទាក់ទង
    អត្ថបទទាក់ទង