ក្រសួងប្រៃសណីយ៍ ប្រកាសសាងសង់ស្ថានីយអង់តែនបន្ថែម ១០០បង្គោល ដើម្បីពង្រឹងគុណភាព និងវិសាលភាពសេវាទូរគមនាគមន៍
ភ្នំពេញ៖ ក្រសួងប្រៃសណីយ៍ និងទូរគមនាគមន៍ បានប្រកាសសាងសង់ស្ថានីយអង់តែនបន្ថែមចំនួន ១០០បង្គោល ដើម្បីពង្រឹងគុណភាព និងវិសាលភាពសេវាទូរគមនាគមន៍ នៅតាមគោលដៅទេសចរណ៍អាទិភាព និងតំបន់ទេសចរណ៍ដាច់ស្រយាល សម្រាប់ភ្ញៀវទេសចរជាតិ និងអន្តរជាតិ។ នេះបើយោងតាមសេចក្ដីប្រកាសព័ត៌មានចេញផ្សាយនៅថ្ងៃទី១៤ កក្កដា ម្សិលមិញ។
សេចក្ដីប្រកាសបានឲ្យដឹងថា ការសាងសង់ស្ថានីយ៍អង់តែនចំនួន ១០០ នេះ គឺប្រើប្រាស់ថវិការបស់មូលនិធិការតព្វកិច្ចសេវាសកល ព្រមទាំងសហការជាមួយក្រសួងទេសចរណ៍ ក្រសួងបរិស្ថាន ក្រសួងស្ថាប័នពាក់ព័ន្ធ និងប្រតិបត្តិករទូរសព្ទចល័ត ដើម្បីពង្រឹងគុណភាពសេវាដល់គោលដៅទេសចរណ៍អាទិភាព និងតំបន់ទេសចរណ៍ដាច់ស្រយោល។
ពាក្យគន្លឹះទាក់ទង