គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

ក្រសួងសុខាភិបាល៖ រកឃើញ​ករណីវិជ្ជមាន​វីរុសកូវីដ១៩​ ថ្មី ០១នាក់​ និង​មានករណីជាសះស្បើយ​ ០១នាក់

ដោយ៖ យូ វីរៈ​​ | ថ្ងៃអាទិត្យ ទី៦ ខែធ្នូ ឆ្នាំ២០២០​ |
ក្រសួងសុខាភិបាល៖ រកឃើញ​ករណីវិជ្ជមាន​វីរុសកូវីដ១៩​ ថ្មី ០១នាក់​ និង​មានករណីជាសះស្បើយ​ ០១នាក់ ក្រសួងសុខាភិបាល៖ រកឃើញ​ករណីវិជ្ជមាន​វីរុសកូវីដ១៩​ ថ្មី ០១នាក់​ និង​មានករណីជាសះស្បើយ​ ០១នាក់

ភ្នំពេញ៖ ព្រឹកថ្ងៃទី​០៦​ ខែធ្នូ ឆ្នាំ​២០២០​ ក្រសួងសុខាភិបាល​ បាន​ប្រកាស​រកឃើញ​ករណីវិជ្ជមាន​វីរុស​កូវីដ​១៩​ ថ្មី​០១​នាក់ ជាករណីពាក់ព័ន្ធព្រឹត្តិការណ៍សហគមន៍២៨វិច្ឆិកា​ និង​មាន​អ្នកជំងឺ​ ០១នាក់​បាន​ជាសះស្បើយផងដែរ​។

យោងតាមសេចក្ដីប្រកាសព័ត៌មានរបស់ក្រសួងសុខាភិបាល​ បាន​ឲ្យដឹងថា​ ករណីវិជ្ជមាន​វីរុសកូវីដ១៩​ ថ្មី ០១នាក់នោះ គឺ​លើ​បុរស​ជនជាតិ​ខ្មែរ​ ឈ្មោះ សាយ​ សៅលាង​ អាយុ ២១ឆ្នាំ​ រស់​នៅ​ជិត​វត្ត​សន្សំកុសល​ សង្កាត់​បឹង​ទំពន់​ ខណ្ឌមាន​ជ័យ​ រាជធានីភ្នំពេញ​ ជាបុគ្គលិក​ហាង Carl’s Jr Burger ទទួលទំពូនង​ធ្លាប់​រស់នៅ​ជាមួយ​អ្នកជំងឺ​ឈ្មោះ ញិល​ សុខកូឡា មុនថ្ងៃទី​២៨​ ខែវិច្ឆិកា​ ឆ្នាំ​២០២០​ ធ្វើការ​នៅហាង​Pedro ផ្លូវ​ព្រះសីហនុ​ ដែលបាន​រកឃើញមានវីរុស​កូវីដ​១៩​នៅ​ថ្ងៃទី០៣​ ខែធ្នូ ឆ្នាំ២០២០​។ លទ្ធផល​ធ្វើ​តេស្ត​វត្ថុសំណាក​របស់​បុគ្គល​ឈ្មោះ សាយ​ សៅលាង​ គឺវិជ្ជមាន​វីរុស​កូវីដ​១៩​ ហើយបច្ចុប្បន្ន​អ្នកជំងឺ​ត្រូវ​បាន​ដាក់​ឲ្យសម្រាក​ព្យាបាល​នៅ​មណ្ឌល​សុខភាពចាក់ អង្រែ​ រាជធានីភ្នំពេញ​។

គិត​ត្រឹម​ម៉ោង​៧​ព្រឹក​ថ្ងៃទី០៦​ ខែធ្នូ ឆ្នាំ​២០២០​ កម្ពុជាមាន​អ្នក​មានវីរុស​កូវីដ​១៩​ សរុបចំនួន​ ៣៤៦នាក់​ ក្នុងនោះ​អ្នកដែលបាន​ព្យាបាល​ជាសះស្បើយ​ចំនួន​ ៣០៦​នាក់​ អ្នក​កំពុងសម្រាកព្យាបាល​ចំនួន​ ៤០នាក់ និង​មិន​មាន​ករណីស្លាប់ទេ​៕

បញ្ចេញមតិ
ពាក្យគន្លឹះទាក់ទង
អត្ថបទទាក់ទង