គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    គ.ជ.ប អនុញ្ញាត​ឲ្យ​អង្គការ​ខុម​ហ្វ្រែល​ (COMFREL) ធ្វើ​សវនកម្ម​លើបញ្ជី​បោះឆ្នោត​ ឆ្នាំ​២០២០​

    ដោយ៖ យូ វីរៈ​​ | ថ្ងៃសុក្រ ទី១១ ខែធ្នូ ឆ្នាំ២០២០​ |
    គ.ជ.ប អនុញ្ញាត​ឲ្យ​អង្គការ​ខុម​ហ្វ្រែល​ (COMFREL) ធ្វើ​សវនកម្ម​លើបញ្ជី​បោះឆ្នោត​ ឆ្នាំ​២០២០​ គ.ជ.ប អនុញ្ញាត​ឲ្យ​អង្គការ​ខុម​ហ្វ្រែល​ (COMFREL) ធ្វើ​សវនកម្ម​លើបញ្ជី​បោះឆ្នោត​ ឆ្នាំ​២០២០​

    ភ្នំពេញ​៖ គណៈកម្មាធិការជាតិរៀបចំ​ការ​បោះឆ្នោត​ (គ.ជ.ប) បានសម្រេច​​អនុញ្ញាតឲ្យ​​​​អង្គការ​ខុម​ហ្វ្រែល​ (COMFREL) ធ្វើ​សវនកម្ម​លើបញ្ជី​បោះឆ្នោត​ ឆ្នាំ​២០២០។ នៅបើយោង​តាម​សេចក្ដី​ប្រកាស​ព័ត៌មាន​របស់​អ្នក​នាំពាក្យ​ គ.ជ.ប ចេញផ្សាយ​នៅថ្ងៃទី​១១​ ខែធ្នូ ឆ្នាំ​២០២០​នេះ។

    តាម​សំណើរ​របស់អង្គការ​​​ខុម​ហ្វ្រែល​ (COMFREL) ចុះ​ថ្ងៃទី​០៦​ ខែវិច្ឆិកា​ ឆ្នាំ​២០២០​ ដែល​បាន​ស្នើ​ដល់ គ.ជ.ប​ សុំ​បញ្ជី​ឈ្មោះ​បោះឆ្នោត​ដំបូង​ ឆ្នាំ២០២០​ និង​សុំ​កិច្ច​សម្របសម្រួល​ជាមួយ​ថ្នាក់ក្រោម​ជាតិ​​ ដើម្បី​ធ្វើ​សវនកម្ម​បញ្ជី​បោះឆ្នោត​ ឆ្នាំ​២០២០ គ.ជ.ប បាន​សម្រេច​អនុញ្ញាត​ឲ្យ​​អង្គការ​ខុម​ហ្វ្រែល​ (COMFREL) បន្ត​ធ្វើ​សវនកម្ម​លើបញ្ជី​បោះឆ្នោត​ ឆ្នាំ​២០២០ទៀត​។

    ចំពោះ ការ​ធ្វើ​សវនកម្ម​លើ​បញ្ជីបោះឆ្នោត​ឆ្នាំ​២០២០​នេះ ​អង្គការ​ខុម​ហ្វ្រែល​ (COMFREL) នឹង​ចាប់​ផ្ដើម​ដំណើរ​ការ​នៅ​ចន្លោះ ខែធ្នូ ឆ្នាំ២០២០ ដល់​ខែមករា ឆ្នាំ​២០២១។

    គ.ជ.ប បាន​ស្នើ​សុំ​ឲ្យ​តំណាង​​អង្គការ​ខុម​ហ្វ្រែល​ (COMFREL) ​និង​មន្ត្រី​ នៃ​លេខាធិការដ្ឋាន​រាជធានី-ខេត្ត​ រៀបចំ​ការ​បោះឆ្នោត​ទាំងអស់​ ចូលរួម​សហការ​ និង​អនុវត្ត​វិធាន​ការ​នានា​ស្របតាម​គោលការណ៍​របស់ក្រសួងសុខាភិបាល​ ក្នុង​ការ​ទប់ស្កាត់​ជំងឺកូវីដ​១៩​ ដែល​កំពុង​រីករាល​ដាល​ក្នុង​ប្រទេស​កម្ពុជា​ ក៏ដូចជាទូទាំងពិភពលោក​។

    សូមជម្រាបជូនថា បញ្ជីបោះឆ្នោតផ្លូវការសម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២០ នឹងត្រូវធ្វើការបិទផ្សាយនៅ ថ្ងៃទី៣១ ខែធ្នូ ឆ្នាំ២០២០ ខាងមុខនេះ។

    សូមបញ្ជាក់​ដែរថា​ ឆ្នាំ​មុន​​អង្គការ​ខុម​ហ្វ្រែល​ (COMFREL) ក៏បាន​ធ្វើ​សវនកម្ម​លើ​បញ្ជីបោះឆ្នោត​ឆ្នាំ​២០១៩ ផងដែរ​ ហើយ​បាន​​វាយ​តម្លៃ​ថា​ បញ្ជី​បោះឆ្នោត​ គ.ជ.ប​ ឆ្នាំ២០១៩​ មាន​ភាពល្អប្រសើរ​រហូត​ដល់ ៩៩.៧% ដោយ​បាន​រកឃើញ​ឈ្មោះស្ទួន​តែ ៤៤​ឈ្មោះ​ប៉ុណ្ណោះ ហើយ គ.ជ.ប ក៏​បាន​ដោះស្រាយ​ឈ្មោះ​ស្ទួន​ទាំងនោះ​រួចរាល់​ហើយ​ទៅ​តាម​ករណី​នីមួយៗ៕

    បញ្ចេញមតិ
    ពាក្យគន្លឹះទាក់ទង
    អត្ថបទទាក់ទង