គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

គ.វ.ក-១៩ ប្រកាសផ្អាក​ការចាក់វ៉ាក់សាំងកូវីដ-១៩ ​រយៈពេល ៣ថ្ងៃ​ ចាប់ពីថ្ងៃទី​១៧ ដល់១៩ ខែមេសា

ដោយ៖ យូ វីរៈ​​ | ថ្ងៃសៅរ៍ ទី១៧ ខែមេសា ឆ្នាំ២០២១​ |
គ.វ.ក-១៩ ប្រកាសផ្អាក​ការចាក់វ៉ាក់សាំងកូវីដ-១៩ ​រយៈពេល ៣ថ្ងៃ​ ចាប់ពីថ្ងៃទី​១៧ ដល់១៩ ខែមេសា គ.វ.ក-១៩ ប្រកាសផ្អាក​ការចាក់វ៉ាក់សាំងកូវីដ-១៩ ​រយៈពេល ៣ថ្ងៃ​ ចាប់ពីថ្ងៃទី​១៧ ដល់១៩ ខែមេសា

ភ្នំពេញ​៖ គណៈកម្មការចំពោះកិច្ចចាក់វ៉ាក់សាំងការពារកូវីដ១៩ ហៅកាត់ថា គ.វ.ក-១៩ ចេញសេចក្តីណែនាំ​ពីការផ្អាកការចាក់វ៉ាក់សាំងពីថ្ងៃទី១៧  ដល់ថ្ងៃទី១៩ និងដំណើរការចាក់ឡើងវិញនៅថ្ងៃទី២០ ខែមេសា។

ក្នុងសេចក្ដី​ណែនាំរបស់ គ.វ.ក-១៩ បានបញ្ជាក់ថា​ បុគ្គលដែលកំពុង​ស្ថិត​នៅ​ក្នុងវិធានការ​បិទខ្ទប់​ភូមិសាស្ត្រ​រាជធានីភ្នំពេញ និង​ក្រុង​តាខ្មៅ​នៃខេត្តកណ្ដាល​ ហើយដល់ថ្ងៃដែល​ត្រូវ​ចាក់វ៉ាក់សាំង​ដូសលើកទី២ មិនអនុញ្ញាត​ឲ្យបុគ្គលនោះធ្វើដំណើរ​ទៅកាន់​កន្លែង​ចាក់វ៉ាក់សាំង​ដែលខ្លួន​បាន​ចាក់​ដូសលើកទី១​ ដោយ​សូមអញ្ជើញ​ធ្វើ​ការទំនាក់ទំនង​ជាមួយ​មន្ទីរ​សុខាភិបាល​រាជធានី-ខេត្ត​ ដែលបុគ្គល​នោះ​កំពុងស្នាក់នៅ​ ដើម្បីទទួល​បាន​ការចាក់​វ៉ាក់សាំងដូសលើកទី២ ដោយមិន​ឲ្យហួស​ថ្ងៃកំណត់​សម្រាក់ការចាក់ដូសលើកទី២នោះឡើយ​។ ដោយឡែក​ បើសិន​មានបុគ្គល​ដែល​បាន​ទៅដល់​ទីតាំងចាក់វ៉ាក់សាំង​រួចហើយ​នោះ សូមចាក់​ជូនពួកគាត់​ តែនៅពេលអស់មនុស្ស​នៅរង់ចាំនៅទីតាំង​ចាក់វ៉ាក់សាំងហើយនោះ សូមផ្អាក​ការចាក់​វ៉ាក់សាំង​កូវីដ​ នៅរាជធានីភ្នំពេញ ហើយ​នឹង​ដំណើរការចាក់​ជាប្រក្រតីឡើងវិញ​ចាប់ពីថ្ងៃទី​២០ ខែមេសា ឆ្នាំ​២០២១

សូម​អាន​សេចក្តីណែនាំផ្លូវការបស់គណៈកម្មការចំពោះកិច្ចចាក់វ៉ាក់សាំងការពារកូវីដ១៩ ថ្ងៃទី១៧ ខែមេសា ឆ្នាំ២០២១ ខាងក្រោមនេះ៖

បញ្ចេញមតិ
អត្ថបទទាក់ទង