ក្រសួងសុខាភិបាល ប្រកាសពីការស្លាប់អ្នកជំងឺកូវីដ១៩ថ្មី ចំនួន​ ១១នាក់បន្ថែមទៀត​ ខណៈ​អ្នកឆ្លងថ្មីមានជាង ៧០០នាក់

ក្រសួងសុខាភិបាល ប្រកាសពីការស្លាប់អ្នកជំងឺកូវីដ១៩ថ្មី ចំនួន​ ១១នាក់បន្ថែមទៀត​ ខណៈ​អ្នកឆ្លងថ្មីមានជាង ៧០០នាក់

ភ្នំពេញ​៖ ក្រសួងសុខាភិបាលនៅថ្ងៃទី២៩ ខែកក្កដា ឆ្នាំ២០២១នេះ បានចេញសេចក្ដីប្រកាសព័ត៌មានដែលបាន​បញ្ជាក់ករណីស្លាប់ដោយសារជំងឺកូវីដ-១៩ថ្មី ចំនួន ១១នាក់បន្ថែមទៀត ខណៈមានអ្នកឆ្លងថ្មី ចំនួន​ ៧៦៥នាក់ និងមាន​ជាសះស្បើយ ចំនួន​ ៦៩៥នាក់។

ក្រសួងសុខាភិបាល​ បានរកឃើញករណីស្លាប់ដោយសារជំងឺកូវីដ១៩ ចំនួន ១១នាក់បន្ថែមទៀត នៅថ្ងៃទី២៨កក្កដា ដែល​ធ្វើឲ្យចំនួនអ្នកស្លាប់​កើនដល់ ១៣៥០នាក់។ ករណីឆ្លងជំងឺកូវីដ១៩ថ្មី នៅតែមានចំនួនច្រើននៅឡើយ​ដែលជាក្ដីព្រួយបារម្ភខ្លាំងបំផុត ខណៈដែលវីរុសបំប្លែងថ្មី កំពុងមានការរាលដាលនៅក្នុងសហគមន៍ដែរហើយ​នោះ។

សូមជម្រាបថា គិតត្រឹមព្រឹកថ្ងៃទី២៩ ខែកក្កដា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ-១៩ សរុបចំនួន ៧៥ ៩១៧នាក់ ក្នុងនោះអ្នកជាសះស្បើយសរុបចំនួន ៦៨ ៣៨៦នាក់ និងស្លាប់សរុបចំនួន ១ ៣៥០នាក់៕